Jai-Alai Pilotalekua eta Padel Kantxa

Jai-Alai Pilotalekua eta Padel kantxa zabalik egongo da astelehenetik igandera, goizeko 8:30etatik gaueko 22:30etara. Erreserba egiteko, sistemako erabiltzaile bezala erregistratu behar da. NAN zenbakia eta sakelako telefono zenbaki bat (erreserben baieztapena SMSz jasotzeko) eman behar dira erregistratzeko.

Indarrean dagoen Udal Ordenantzaren arabera, tarifak:

Instalazioa	Erroldatuak	Ez erroldatuak
Jai-Alai Pilotalekua	10€	10€
Padel Pista - Urteko abonua	30€	40€
Abonatuentzako tarifa (ordu 1 erabiltzeagatik)	5€	7€
Ez abonatuak	9€	9€
Pistako argiaren kontsumo-ordua	3€	3€

Padel Pistako Abonatuak

Padel Pistako abonatu egiteko prozedura telematikoa da, udal erregistro bidez.

Oharra: Urteko bonoaz urtarrilaren 1etik abenduaren 31rako epea ulertzen da.

Behin abonua eginda Herritar Txartela Goñi Portal Kultur Etxean jaso beharko da. Txartela berrerabili ahal izango da eta pertsonalizatua dago.

Jai-Alai Pilotalekuko eta Padel Pistetako Erreserbak

• Erabiltzaile bakoitzak ordu bat erreserbatu ahal izango du astean.
• Ezin dira erreserbak aldatu, ez eta ezeztatu.
• Bi modu daude ordaintzeko: Paypal eta kreditu txartela (ordainketa pasabide baten bitartez).
• Ordaindutakoan, erabiltzaileak SMSz jasoko du kantxa erreserbatu izanaren ziurtagiria.
• Behin erreserba eginda Herritar Txartela Goñi Portal Kultur Etxean jaso beharko da. Txartela berrerabili ahal izango da eta pertsonalizatua dago.

Erabilera Arauak

• Kirol instalazioa erabiltzeko derrigorrezkoa da oinetako eta tresna egokiak erabiltzea, eta arau hauek errespetatzea:
• Kantxari dagokion erabilpena eman behar zaio eta ezin da baimendu gabeko beste kirolik egin.
• Debekatuta dago kantxa alokatzea klase partikularrak emateko, eta inork ezin du sartu padela erakusteko material saskirik, klubeko begiraleek izan ezik.
• Debekatuta dago:
  • Kantxetan erre eta jatea.
  • Jolasean aritzea baloi edo antzekoekin, bizikletekin, patineteekin, eta abarrekin.
  • Instalazioetako beste erabiltzaileei enbarazu egin diezaiekeen ezer egitea.
  • Barrura sartzea ebaki dezaketen objektuak edo, oro har, osagai arriskutsuak izan ditzaketenak (botilak, edalontziak, e.a.).
• Udalak bakarrik alda dezake padel kantxako sarearen altuera edota tentsioa.
• Padel kantxetan padel palekin bakarrik jokatu ahal izango da.
• Materiala eta ekipamendua behar bezala erabiliko dira. Kalteren bat eragiten bazaie erabilpen desegokia emateagatik, kaltea eragin duenak ordainduko du.