Kantxa zabalik egongo da astelehenetik igandera, goizeko 8:00etatik gaueko 23:00etara. Erreserba egiteko, sistemako erabiltzaile bezala erregistratu behar da. NAN zenbakia eta sakelako telefono zenbaki bat (erreserben baieztapena SMSz jasotzeko) eman behar dira erregistratzeko.

Abonatu egiteko prozedura telematikoa da.

Indarrean dagoen Udal Ordenantzaren arabera, hauek dira tarifak:

• Erroldatuentzako urteko bonoa:24 €
• Erroldaturik egon eta baldintza hauetan daudenentzako urteko bonoa:20 €
  • Prestaziorik gabeko langabetuak.
  • Familia ugariak.
  • 26 urtetik beherakoak.
  • Ezgaitasuna duten pertsonak.
• Erroldatu gabekoentzako urteko bonoa:35 €
• Erroldaturik egon ez eta baldintza hauetan daudenentzako urteko bonoa:30 €.
  • Prestaziorik gabeko langabetuak.
  • Familia ugariak.
  • 26 urtetik beherakoak.
  • Ezgaitasuna duten pertsonak.
• PISTAK ERABILTZEAGATIKO TARIFA ORDUKO:.
• Urteko bonoa ordaindu duten eta Plentzian/Gorlizen erroldatuta daudenentzat:4€ orduko .
• Erroldatuta egon ez eta bonoa dutenentzat: 6€ orduko.
• Bonorik ez dutenentzat (erroldatuta egon edo ez): 8€ orduko.
• Argi kontsumoa:3 € (erabiltzaile mota guztientzat). Erabiltzaileen esku egongo dira GOÑI PORTAL kultur etxean(*)
• (*)Tarifa hori beherantz egokitu ahal izango da: argi instalazio berriarekin, ziurrenik, gehiago aurreztuko dugu eta, beraz, baliteke tarifa gastu berriari egokitzea.

Abonatuen kasuan, erreserbak 7 egun lehenagotik egin behar dira, eta abonatuak ez direnen kasuan, 3 egun lehenagotik.

Horregaitik, TARIFA BERRIETARA EGOKITZEKO ASMOA DUTEN GUZTIEI GOGORARAZTEN ZAIE URTEKO BONOA ORDAINDU BEHARKO DUTELA, BEREN "ERABILTZAILE IZENAREKIN" ETA "PASAHITZAREKIN" SARTU BEHARKO DUTE "NIRE BONOA" ATALEAN. *OHARRA: Urteko bonoaz urtarrilaren 1etik abenduaren 31rako epea ulertzen da.

Erabiltzaile bakoitzak ordu bat erreserbatu ahal izango du astean.

Astean ordubete erreserbatzeko muga ez da aplikatuko egunean bertan egiten diren erreserbetan.

Ezin dira erreserbak aldatu, ez eta ezeztatu.

Bi modu daude ordaintzeko: Paypal eta kreditu txartela (ordainketa pasabide baten bitartez).

Ordaindutakoan, erabiltzaileak SMSz jasoko du kantxa erreserbatu izanaren ziurtagiria.

Kirol instalazioa erabiltzeko derrigorrezkoa da oinetako eta tresna egokiak erabiltzea, eta arau hauek errespetatzea:

• Kantxari dagokion erabilpena eman behar zaio eta ezin da baimendu gabeko beste kirolik egin.
• Debekatuta dago kantxa alokatzea klase partikularrak emateko, eta inork ezin du sartu padela erakusteko material saskirik, klubeko begiraleek izan ezik.
• Nolanahi ere, oro har debekatuta dago:
  • Kantxetan erre eta jatea.
  • Jolasean aritzea baloi edo antzekoekin, bizikletekin, patineteekin, eta abarrekin.
  • Instalazioetako beste erabiltzaileei enbarazu egin diezaiekeen ezer egitea.
  • Barrura sartzea ebaki dezaketen objektuak edo, oro har, osagai arriskutsuak izan ditzaketenak (botilak, edalontziak, e.a.).
  • Instalazioetara animaliak sartzea.
• Kantxa bakoitzean gehienez 4 lagun sar daitezke (Plentziako Kirol Sailak programatutako jardueretan izan ezik).
• Udalak bakarrik alda dezake padel kantxako sarearen altuera edota tentsioa.

Padel kantxetan padel palekin bakarrik jokatu ahal izango da.

Zalantzaren bat badago debekuren baten inguruan, Udalak ebatziko du kontua, Kirol Zinegotzigoaren bitartez.

Materiala eta ekipamendua behar bezala erabiliko dira. Kalteren bat eragiten bazaie erabilpen desegokia emateagatik, kaltea eragin duenak ordainduko du.